Mánáid válggat 2021
26.5. – 13.6.2021
Mánát besset vuot geavahit iežaset jietnavuoigatvuođa, go Mánáid válggat lágiduvvojit boahtte giđa gielddaválggaid oktavuođas birra Suoma. Suomen Nuorkauppakamarit rs, Pori gávpot ja Kuntaliitto čohkkejit ovttas váldegottálaš evttohaslisttu, mas fiktiivvalaš, mánáid iežaset evttohasat gilvvohallet mánáid jienain vai besset váikkuhit Suoma gielddaid mearrádusaid dahkamii.
Mas lea gažaldat?
Giđđat 2021 ollašuhttin láhkái gielddaválggaid oktavuođas lágiduvvojit váldegottálaš Mánáid válggat. Gieldalihttu, Suomen Nuorkauppakamarit rs ja Pori gávpot doibmet Mánáid válggaid váldolágideaddjin. Golbmii Poris lágiduvvon Mánáid válggat leat čoaggán hirbmat ollu positiivvalaš máhcahaga, ja diehtu lea joavdan earáge gielddaide. Giđđat 2019 Mánáid válggaid geahččaledje vuosttaš háve váldegottálaččat euroválggaid oktavuođas stuorra menestusain já dán jagi mii huksegoahtit Mánáid válggaid ain stuorit menestupmin!
Mánáid válggain lea fuobmán veara, ahte válggat leat oalát bellodatpolitihkas sorjjasmeahttumat. Válggaid evttohassan doibmet suopmelaš govuheddjiid dahkan sárggusfiguvrrat, maid govvidit evttohasaid ovdanbuktimiin movttiidahtti ja positiivvalaš sániiguin. Evttohasaide sáhttá oahpásnuvvat giđa áiggi Mánáid válggain neahttasiidduin.
Manin?
Mánáid válggaid dehálamos mihttomearrin lea doarjut ja viiddidit mánáid demokratiijabajásgeassima. Mii diktit mánáid sihke jietnadit ja jienastit iežamet kampánnjas. Mánát maid besset oahpásnuvvat servvodatlaš váikkuheami vugiide go rávesolbmot jienastit. Mánáide buvttadit máŋggabealat aktiivvalaš riikkavulošvuhtii roahkasmahtti sisdoalut neahttasiidduide sihke iešguđetge ovttasbargoguimmiid bokte.
Mot?
Árbevirolaččat Mánáid válggain lea leamaš rávesolbmuid virggálaš jienastanbáikki lahkosis mánáid iešdoaimmalaš válgasadji, gos mánát leat beassan iežaset mielde leahkki rávesolbmu vehkiin. Dán háve mii iskkadit digitálalaš jienastanvuođu johtilit nuppástuvvi koronadili geažil. Vejolašvuođaid mielde gielddain sáhttet maiddái ovddidit iešdoaimmalaš válgabáikkiid lágideami. Mánáid válggaid boađus almmustahttojuvvo virggálaš válgabeaivvi čuovvovaš váhkus.
Gii?
Váldegottálaš Mánáid válggaid ollašuhttet ovttasbarggus Suomen Nuorkauppakamarit rs, Pori gávpot ja Suomen Kuntaliitto rs. Mánáid válggat lágiduvvojit teahtta ovttasbarggus ja vuorrováikkuhusas sierra gielddaiguin ja gávpogiiguin. Válggat ollašuhttojut suomagillii, ruoŧagillii, eŋgelasgillii ja davvisámegillii.