Dál dus lea vejolašvuohta hárjehallat váikkuheami: oza evttohasaid joavkkus dakkára, gii háliida ovddidit dutnje dehálaš áššiid. Jienas iežat miela miel evttohasa ja čuovo mot du evttohas birge válggain. Sirdás siiddus vulos guvlui ja atte iežat jiena deaddimiin “jienas”-boalu iežat evttohasa buohta. Don sáhtát jienastit dušše ovtta evttohasa.
Mánáid válggaid boađus almmustahttojuvvo virggálaš válgabeaivvi (13.6.2021) čuovvovaš vahkus.
Jienastanáigi lea nohkan.
Mánáid válggat leat ovdal ordnejuvvon fysalaš jienasteapmin jođus leahkki válggaid jienastanbáikkiin válgagiissáid ja jienastančiegaid gasku - áibbas dego albma válggain. Dáid spiehkastatáiggiid mii goittotge háliidit, ahte buot jienasteaddjit bissot dearvvasin ja dorvvus, ja dan dihte Mánáid válggat sirdojuvvojedje dán háve váldoáššálaččat nehttii.
Otto Octopus lea láđis ja ustitlaš mearraealli, gii loaktá iežas bulljarasas. Otto dikšu iežas álššaid vuojademiin oalle garrasit, ja son leage albma meašttir das máŋgga darvánanjulggiidis ánssus! Otto čuollá vuojadanhállaid beales ja sávašii daidda lasi čeasadanrenneid, bulljarasáldáid ja iešguđetlágan njuikkohagaid. Ja gárvodančiegaide dorvvolaš seailluhansaji čalbmelásaide.
”Čáhci virkkosmahttá miela ja lášmmuha darvánanjulggiid!”
Rico Ruksesluosti lea njuovžilis ja čábbát láhttejeaddji tiger, gii birge buotlágan skihpáriiguin dego iežas ruovttus. Sutnje lea dehálaš oažžut muttágis joavkku geaiguin golahit áiggi ovttas, galledit ja doallat gáhkkofeasttaid go fas lea áigi daidda. Rico lea árvvas ja arvvohis ustit, gean searvvis ii gal gártta láittastuvvat.
”Amma vuolggát stoahkat?”
Mette Meahccebiigá ráhkista luonddu ja ealliid buot eanemus. Mette ádde muoraid savkaleami ja báruid stuhčama, váikko ieš son dábálaččat hállá olbmuid dahje meahccebiiggáid gillii. Mette miela miel astoáigedoaimmat leat easttaviehkan njoammiliiguin ja muorain gakcun orriiguin.
”Mun háliidan gilvit duhát sierralágan muora báikevuovdái buohkaid illun.”
Ráigeoaivát Riidenheasta vuovddušta girjjiid eambbo go suinniid. Son háliida diehtit buot áššiin buot ja son galledage girjerádjosiin ovttatmano. Hestii logahit nu diehtogirjjit go máidnasatge, ja son luoikkaha jámma mátkeoahpistangirjjiid. Leahan dat somá geahččat mo máilbmi lea oaidnit, váikko ii vuolggášiige ruovttuhiŋgalis gosage, muhto gal dat livččii somá fearánastit vaikko Vildá Viestaris nu ahte gaccat spohkket!
”Lohkan lea somá-há-háá!”
Giestu láve movttáskit oalle garrasit ja dat ráhkista go mánát gakcot dan ovssiin. Sus leat veattit čiekŋalasas gávpogiid ja giliid stoahkanšiljuin, gos lea somá čuovvut buotlágan buđaldemiid. Giestu addá áinnas earáid fuomáškeahttá livkkiheami veardde leavttu suhkamiidda ja movttiidahttá gakcunstellegis gonsttošeddjiid.
”Stoahkanbáikkiin galgá leat sadji sierralágan fearániidda!”
Borohtta sáhtášii borrat vuodjaláibbiid oppa áigge – iđitbihttán, beaiveborramuššan ja gaskabihttán, ja diehttelas eahketborramuššan! Son lea buotlágan borramušaid spesiálačeahppi, gii čollu málestanrávvagiid earret eará buotlágan vejolaš ja veadjemeahttun oktiibijuin, maid láibebihtáid gaskii sáhttá bidjat. Borohtta geavaha šattuid imašlaš vugiiguin ja niegada skuvlaborramušas, mas sáhtášii borrat earálágan borramušaid juohke beaivve.
”Vare livččii álot vuossárga ja ođđa váhku borramušlistu!”
NiNi lea dorvvolašvuođageahčadeaddji, gii fákte mánáid johtima ja rehkenastá unnimus váralaš geainnuid skuvlii, ruoktot, skihpáriid lusa ja astoáigedoaimmaide. NiNi sihkkarastá ruoná čuovggaid ja muittuha šleđggoniid dehálašvuođas sihke johtolatnjuolggadusain iešguđet láhkái. Ja dat gal gomuvuođa eallis lihkostuvvá, go son sáhttá muhttit iežas goas Stop-mearkan, goas vázzinrasttildahkan.
”Amma donge leat álot várrugas johtolagas!”
